入秋．餃餃佢

9月1日除咗開學, 仲可以做啲乜呢? 就係大家聚埋一齊包餃子嘞！

雖然當日早上傾盆大雨, 但義工們精神抖抖, 出發去觀塘瑞和街街市, 格價買靚料, 做足品質檢測, 冒住大雨將新鮮食材帶返勗勵軒, 再與其他參加者分工合作：清洗、切細、調味、攪拌, 整個過程一呼百應, 齊心協力, 熟練地將一盆盆餃子餡料放係枱上。

之後, 大家都着手包餃子, 你的傳統包法, 我的韓式包法, 她的玫瑰狀餃子……大家看看學學, 互有得着, 令在場的職員們都十分佩服。

玫瑰餃好靚呀！包完餃子當然即場煮嚟食啦 🙂

#互助互勵 #互相學習 #戒賭如是 #生活如是