[中心日常]交通篇

開源道返工放工嗰陣有幾迫大家都知，小編作為輔導員，都同各位打工仔一樣，要喺每個on duty嘅日子爭分奪秒返到中心。

我地中心位於開源道路上，交通非常便利，只需跳上任何一部前往「觀塘碼頭」嘅巴士，喺「開源道站」落車，旁邊就係豐利中心。

搭地鐵嘅話，喺「觀塘站」Ｂ１出口沿馬會方向，大約兩個半街口，5分鐘內嘅步程就能抵達。有時開源道人流太多，我地都搵咗幾條「秘密通道」，好快咁黎到勗勵軒嫁！有咁多種黎我地戒賭輔導中心嘅唔同路線，唔知大家通常用邊種呢？

小編Z