欺騙

「如果你欺騙和傷害別人，到頭來你自己都會被欺騙和受傷害。」

我是一位守係馬會既保安員，每一日都有唔同既人會係馬會中逗留。其中一位常見既老顧客，佢每逢跑馬日都係螢幕前拿著馬報，鑽研住每一場馬既勝率。

「喂！借住幾千蚊黎救命先啦！我好快還番比你！」那位老顧客對住手機大喊道。

「上次咪借左幾萬比你囉？你都無還過，仲要攞？你有無諗過屋企……」電話裡頭傳來一陣喊緊既女聲。

然後老顧客就熄左手機，試著向坐係佢身邊既朋友落手。佢細聲咁講：「呢場馬實中架，咁岩我又唔係淨好多錢，可唔可以借住幾千黎周轉下，一定還番比你！」

呢個係其中一個常見既片段，當老顧客想賭而身上無錢果陣，佢都慣常諗出一D藉口，問身邊既人借錢，幾乎每一次都誓神劈願咁講一定會還，然而到左最後，呢D債款都不了了知。起初老顧客都會成功咁向身邊既人借到少少錢，到後來，佢連電話都無打過──果D曾經被佢欺騙既人都慢慢疏遠佢，因為佢地知道自己受騙了。但佢依然都無停落黎，心裡淨係諗住揾到下一個受害者就好了。

當可以被佢欺騙既人都無了，佢開始對財務公司落手，佢大概想著係果到都係可以欺騙的。

果一晚，佢上左財務公司，財務公司都借左一大筆錢比佢，當然手續費同利息都係相當的高。佢一直以黎都用拖得就拖既方法，但財務公司又點會比佢咁做呢。當佢到左還款之日，一如既往地想著，只要拖住債務，欺騙佢地就會不了了知。

「你差佢地既債已經到期，點解仲唔還錢呢？」一個女仔係佢身邊問。

「邊有賭徒會還錢呢？我唔係無付出架，可以從佢地身上拿到錢就係我既能力。你睇到我既還款記錄未？佢地既下場都會係咁。」他堅挺地講。

當佢一期又一期都唔還之後，下場就終於來了。財務公司向佢伸出利爪──貼街招、電話追數，淋紅油，語言威嚇。之後佢既生活就變得很狼狽，每一次佢都係馬會不斷地接電話。原本整齊既衣服，都變得有D泛黃，鬍蘇都無剃過。但係財務公司都無手軟，強硬既手法就好似幫果D曾經被欺騙和傷害既人出氣一樣。

#戒賭熱線　2703 9811/1834633(3)