認清投資風險

疫情打擊原油需求，期油價格跌至負數，真係估都估唔到。前排小編聽到人地話「而家油價低至幾毫子」，心裡面都有一種錯誤想法「如果用一千幾百買番幾千桶油喺到，咪可以做下『油王』，等他日油價升番，咪大賺一筆囉！」點知過幾日已經跌至負數，網上即有文章指出呢種情況下需要「轉倉」、「斬倉」、「補倉」等等…所謂「油價」其實係指紐約原油合約嘅期貨買賣，屬槓桿倍數好高嘅投資項目，蝕嘅唔單止係全部本金，仲會「炒燶」需要額外補錢入戶口。

今次期油事件話比大家聽，投資風險遠超想像，唔識真係唔好亂買，要事前做足功課，避免投資變成投機，再變成「人買我又買」嘅賭博式玩意啊！到時分分鐘唔單止血本無歸，仲有機會要破產！