歐國盃即將開鑼 – 勗勵軒提醒你：「睇波不賭波，健康齊踢波」 – 錫安社會服務處勗勵軒輔導中心

到底「有雞先定蛋先？」呢個問題，真係好難答到；但「有踢波先定賭波先？」呢個問題，就應該無人唔知道！

足球嘅樂趣同觀賞點真係多不勝數，無論係睇球技；睇攻守組織；感受球賽氣氛；定睇球星… 所以個D話「落咗注場波好睇D」根本係歪理！灌輸正向足球觀念，由小朋友做起，趁歐國盃足球熱，可以帶埋你哋嘅小朋友去參加平和基金同車路士足球學校攜手合辦嘅「睇波不賭波健康齊踢波」足球同樂日，透過基本足球訓練，讓參加者體會足球嘅真正樂趣，仲可以一齊拒絕賭波誘惑。唔好錯過咁好玩嘅活動喇！