繼續齊齊睇波不賭波 之 快閃大腳八活動

歐國盃已經進入尾聲，即將由意大利對英格蘭，上映一場龍爭虎鬥！

不過喺睇決賽之前，想同大家分享一件事。前排同同事傾談賽事時，我地發現喺16強及4強的比賽中，先有法國對瑞士，後有意大利對西班牙，傳統勁旅都因為12碼而出局。

法國被視為奪冠熱門，陣中有普巴、簡迪、基沙文等名將，更有被媒體譽為「世界最佳年輕球員」的基利安麥巴比，但最後係12碼中，麥巴比射失12碼導致法國隊出局。

而另一被視為奪冠熱門的西班牙真的是「成也莫拉達，敗也莫拉達」。莫拉達係下半場為西班牙追和1比1，但12碼「宴客」，西班牙被踢出局。

既然射12碼咁重要，我地就準備左「快閃大腳八活動」畀觀塘區居民著住特制的「大腳八」波鞋射…「9碼」，畀大家感受一下射「關鍵一球」的感覺！

更重要的係，我地亦向觀塘區居民，包括家長、小朋友、小學生、中學生、公園伯伯，連工人姐姐我地都唔放過，一一同佢地講解賭博的定義同影響，不少小朋友在活動過程中才知道原來「夾公仔」、「課金抽獎」、「擲彩虹」等遊戲都含賭博元素，亦有家長即時向小朋友說教！所以話「預防賭博，要由BB做起」！

大家都要記得「睇波不賭波 健康齊踢波」呀！