家添喜樂組-紫羅蘭山遠足遊

3月25日舉辦了行山活動, 雖然沒有見到吊鐘花(上次有見到架🤣), 但和暖的天氣真係好適合行山呀~ 今次我地主要係沿引水道由黃泥涌水塘行至赤柱。我地11時係水塘出發, 2點左右行到赤柱, 中途係紫崗橋旁邊食了面包和生果, 用了3小時就完成! 下個月暫定去行粉嶺-流水響~有興趣既朋友記得留下言啦~

比埋貼士你賭,係咪真係有咁筍?

回應東方日報2018年1月15日探射燈專欄報導《貼士網代賭波 專呃「姊妹」會費》,內文表示專攻女性的賭波貼士網與日俱增,不少更標榜「女人當自強」、「女性經濟自主」,吸引想賺快錢嘅女士上釣。
相關報導:http://orientaldaily.on.cc/cnt/news/20180115/00176_130.html

網上有不少討論區及facebook專頁專門發放賭博心水或貼士,在收取入會費後會提供貼士予會員,甚至保證幾日可以賺幾十萬。其實網上貼士專頁大多以「成功贏錢的投注紀錄」、「多人留言表明成功賺錢」及「短時間賺大量金錢」為賣點,受害人入錢後,負責人便隨機比出貼士,被追問的話更會消失得無影無蹤。管理員是否給出每個人同樣嘅貼士?留言者佔會員嘅幾多數量?管理員會唔會兩邊都買,然後只把贏錢的一部分分享?大家不妨諗諗?定聰明嘅你已經諗到其它可疑點?網上世界資訊實在太多,有真亦有假。大家吸收網上資訊嘅同時,記住要先深入剖析和探討。動動腦,你就會發現真的假不了,假的真不了。

期待您的加入-導航足球隊

距離上一次踢足球已經是很久很久以前了…我記得中學時期體育堂有考試,其中一個項目是足球盤球,同學需要在最短的時間內用足球盤過雪糕筒,而我這個對於足球沒有天份的只有在其他項目上攞多些分,以免出現體育課不合格的困境。在青少年中心工作的時候,我亦曾與同工組織青少年足球隊小組,但因同工離職加上組員流失的關係,小組最後都只是舉辦了幾個月就結束了。

我懷著興奮又緊張的心情去接手輔導中心的導航足球隊,興奮是因為自己足球就經常睇(主要是英超及世界杯),今次終於可以落場一齊踢!緊張是因為自己只是一個足球初哥,沒有技術,沒有體力,難免有些緊張。

導航足球隊是一個互助小組,為有志戒賭的人士及其家屬提供一個交流及切磋球技既平台,足球隊大約一個月一次的足球活動或比賽,在活動的過程之中會有近況分享,包括戒賭的經驗、困難及感受,透過這些分享,組員可以互助互勉,向著健康無賭的目標進發。

如果你都有志戒賭及對踢足球有興趣,歡迎你致電 2703 9811 與海sir聯絡。