承投錫安社會服務處勗勵軒輔導中心 「不賭思議—預防賭博問題年輕化之辯論教育計劃II」之承辦辯論比賽服務

本中心為一所受民政事務局平和基金資助的戒賭輔導中心,主要提供戒賭輔導及預防賭博問題的大眾教育服務。現獲得2018-19年度平和基金資助撥款舉辦「不賭思議—預防賭博問題年輕化之辯論教育計劃II」,誠邀 貴機構承投提供「不賭思議—預防賭博問題年輕化之辯論教育計劃II」之承辦辯論比賽服務。如 貴機構有意承投以上服務,請下載以下表格及參照當中的服務要求及其他細則,以郵寄方式於2018年12月15日或之前提交一式兩份的建議書及投標表格至本中心(郵遞申請以郵戳日期為準)。

信封面亦應清楚註明「不賭思議—預防賭博問題年輕化之辯論教育計劃II」之承辦辯論比賽服務投標書。本中心將於截止後收妥所有投標書,初步評選如符合基本要求之標書,會於兩星期內聯絡投標機構/團體進行面試甄選。

建議書及投標表格請以郵寄方式送往以下地址: 香港九龍觀塘開源道54號豐利中心10樓1015室

如有任何查詢,請致電27039893向本中心中心主任嚴浩宇先生或計劃負責人嚴廷玲小姐查詢。

按此下載投標表格及相關指引

究竟戒賭輔導中心日常工作係乜?

喺觀賞完首輪初賽後,聽到唔少同學仔都喺比賽中提及過香港嘅幾間戒賭中心,同埋戒賭中心所提供嘅服務。好多人都有提起戒賭中心係幫助受賭博問題困擾嘅人士,但你又知唔知係點樣幫?不如趁呢個機會,了解一下我地勗勵軒輔導中心有咩服務,同埋戒賭輔導中心嘅日常運作啦!

1. 接聽熱線

不論是有賭博問題嘅人士或佢地嘅家屬,都會打來熱線求助。接聽熱線最主要係提供即時情緒支援、提供相關資訊(有不少求助者會係電話入面問及一D資訊性問題,例如申請破產程序等等) 、同埋運用輔導技巧以加強佢地願意接受輔導嘅動機。點解打得電話來,仲要係電話上加強佢地嘅求助動機? 其實往往有一部份嘅求助者打電話上來,係因為當下受到賭博問題困擾,想有人去傾,但未必想接受戒賭心理治療。佢地可能已經覺察(aware)到自己有狀況出現,但未必有動機(motivation) 去接受戒賭心理治療。點解會未動機去接受戒賭心理治療? 原因可以有好多,下回再分解啦!

2. 提供戒賭心理輔導/治療

部份求助人士係電話入面同我地傾談過後,都會願意上來中心接受單對單的戒賭心理治療。無一套心理治療嘅方法能夠適合所有有賭博問題嘅人士。認知行為治療 (Cognitive Behavioral Therapy) 、精神動力治療 (Psychodynamic Therapy) 、家庭治療 (Family Therapy)等等都有機會成為適合求助者嘅心理治療手法。用邊一個手法往往取決於兩大因素: 提供輔導者嘅訓練背景同埋求助者嘅實際情況需要。

3. 提供支援小組 (Supporting group)

我地亦都設有不同類型嘅支援小組,以加強求助者係戒賭路上嘅支援同成效。或者有人會問,如果想戒賭,個別輔導同支援小組邊種比較好? 其實,個別單對單式的輔導 (Individual Counselling) 主要協助求助者處理個人層面議題。而支援小組就以個別特定主題為中心,我地會同參與者會係呢個特定主題上共同作出分享同討論,透過耹聽組內不同組員嘅睇法同經驗,從而有所得著。

4. 展外探訪

大家或者會覺得,要係中心等人打電話入來,好似好被動。無錯,為左主動去發掘一D服務需要者,某D戒賭中心會有展外探訪服務。就好似我地勗勵軒錦,由於係前線工作入面發現求助者絕大部份來自五大行業,所以我地都會定期針對呢五大行業進行展外探訪。至於展外探訪實際係做d乜? 五大行業又係邊五大? 下回再分解啦!

5. 大眾教育

正所謂預防勝於治療,我地亦都會去唔同嘅地方,包括學校、商業機構甚至係直接落區,推廣防賭及心理健康嘅訊息。

除咗企硬,向賭博say no,仲可以點?

今時今日,除左企硬,向賭博say no之外,要提高年青人嘅防賭意識,仲可以點呢?

小編同一眾同事身為前線嘅戒賭輔導人員,眼見求助者似乎有年輕化趨勢,年紀輕輕已經賭到周身債,都咪話唔嚇到我地心到離一離😣。

向賭博say no之前,仲有乜可以做? 停一停,諗一諗囉。

為左可以比多啲機會比年青人就賭博呢回事多啲停一停,諗一諗,我地錫安社會服務處聯同鳴辯無限一齊向民政事務局平和基金建議舉辦「不賭思議」呢個計劃。

呢個計劃將會由講座、辯論比賽、專題座談會同分享會組成。我地希望藉住以上活動去提供一個互動交流、刺激思維及引起反思嘅平台,令年青人就賭博議題「多思多議」。比年青人可以停一停,諗一諗,從多角度去了解賭博行為對個人及他人生活的影響,協助佢地建立理性及批判思維,將有關賭博的迷思愈辯愈明,從而減少佢地日後參賭的風險。而慶幸民政事務局平和基金亦認同我地嘅理念,所以 「不賭思議」呢個計劃就出世啦。

記住密切留意呢個page,好多計劃嘅最新資訊都會係呢度睇到。仲分分鐘會有驚喜添!

預防問題賭博,從心理健康開始

本星期一,我與一團火義補計劃的義師分享如何推動小朋友學習的秘訣,好讓各義師能在與一眾小朋友提供義務補習的同時,亦能運用心理學的一些元素從而推動他們學習。

曾經接觸不少有賭博問題的個案,他們在學習階段缺乏成功經驗,及後更影響他們的自尊感,加劇了他們從賭博活動中求取成功感的機會,最後演變成賭博成癮。

故此,本中心一直以來除了重視戒賭輔導服務,亦深信預防勝於治療。若保持精神及心理健康,即能預防染上賭博惡習。

AIA心理健康講座

日期:2017年7月26日
地點:AIA 鰂魚涌

勗勵軒的輔導心理學家嚴廷玲(Augusta)獲邀為AIA團隊的保險從業員舉行心理健康講座,讓金融業界的朋友明白及關注其個人心理健康。

從了解及提高工作動機,到提升工作能力,以達致更佳工作表現。

同時亦向各位派發中心介紹單張,以達宣傳中心服務戒賭服務之效。

再次感謝團隊的邀請。

陳校長免費補習天地主題教學工作坊

主題:以「專長為本」形式處理及回應學生的問題行為
日期:2017年6月17日(六)
時間:11:00am – 1:00pm
地點:賽馬會創新教育工作室

六月份,本中心的輔導心理學家嚴廷玲(Augusta)獲邀來到陳校長免費補習天地主持教學工作坊,與義師們講解以「專長為本」的教育模式。

責罵會對孩子有何心理影響?我們對孩子的行為評價會否過份主觀?當日嚴姑娘除了分享「了解」、「重構」到「鼓勵」的管教三步曲之外,亦即場解答義師疑問,讓導師能更掌握孩子的真正想法,從而更有效回應孩子的行為。

重溫Powerpoint內容
http://www.goo.gl/AkWsQe
錄影片段重溫
Part1: https://youtu.be/exwrWpjbT_I
Part2: https://youtu.be/4ggfAK_GxvM
Part3: https://youtu.be/siXQGBfuUUA

若各義師想了解更多不同範疇的教學資訊,歡迎提出工作坊題目的建議,我們將努力嘗試尋找相關專業人士與大家分享!

再次感謝陳校長免費補習天地的邀請。

「姑娘,我仲有無得救?」

在不同的輔導經驗裡,特別是戒賭輔導,總會遇到有案主問我「姑娘,我仲有無得救?」。他們往往在第一次會面時已經急切地投下這個疑問。聽起來,仿佛輔導就是他們最後的一線希望。

求變,往往是一些下定決心戒賭的案主所盯著的目標。但求變,又是一個怎麼樣的過程呢? 心理學家Carlo DiClemente及James O. Prochaska發展了行為改變的誇理論模式(Transtheoretical model, TTM) ,我們不妨透過這理論模式,了解「變」是怎樣的一回事。

DiClemente及Prochaska指出,「變」的歷程分為懵懂期(Precontemplation) 、沉思期(Contemplation) 、準備期(Preparation) 、行動期(Action) 、維擊期(Maintenance) 及復發期(Relapse) 。人在踏上求變之路前,有機會也曾停留在一個懵懂混沌的階段—「我無需要戒賭喎! 你問錯人啦!」、「我賭,又有乜問題先?」、「我賭係我嘅事,又點會影響到人? 我顧得掂自己就得啦! 」……這些想法或者說話,也許是戒賭人士在求變之前也曾想過說過的,亦是我們的展外輔導團隊在展外工作時經常聽到的說話。所謂的懵懂期(Precontemplation) ,就是指當事人還未察覺到自己賭博問題的嚴重性及還未考慮過要尋求改變及幫助。
「姑娘,我仲有無得救?」—當你覺醒到自己的狀況,在考慮作出改變,甚至願意讓我們在你的戒賭路上給予幫助,已代表著你已經踏上了求變之路。救你的,是你的一份覺醒。下一步,我們希望能成為你戒賭路上的同行者!