心聲分享

香港中學生互聯網賭博狀況

The study investigated Internet gambling involvement and pathological gambling among Hong Kong adolescents aged 12–19 years. The diagnostic and statistical manual (4th edition) multiple response format for juveniles (DSM-IV-MR-J) (Fisher in J Gambl Stud 16:253–273, 2000) was filled by 1,004 students (597 boys, 407 girls) recruited by random selection of classes. The response rate was 86.6 %. Results indicate that more respondents participated in land-based gambling than Internet gambling (63.5 vs. 3.5 %) but online gamblers are 1.5 and 3.2 times more likely to develop pathological and at-risk gambling than non-Internet gamblers. Using the DSM-IV-MR-J criteria, 5.7 and 22.9 % of the Internet gamblers could be classified as at-risk gamblers and pathological gamblers, respectively. Majority (94.3 %) wagered online at home, and 91.4 % made their first bet before 18 years. Many perceived Internet gambling as a trendy (71.4 %) and safe entertainment (54.3 %). Problematic Internet gambling was significantly associated with the male gender, school grades, online gambling frequency, amount wagered and a gambling family environment. Survey results have implications for gambling research and preventive programs (Wong & So, 2014)

Wong and So於2014年發表了一份就香港12至19歲青少年的互聯網賭博活動和病態賭博的研究報告。該項研究透過隨機抽班方法,徵得1,004名學生(597名男生,407名女生) 填寫 《青少年賭博行為量表》(DSM-IV-MR-J)(Fisher, 2000),回應率為86.6%。結果顯示,參與傳統 (非互聯網) 賭博的受訪者比參與互聯網賭博的受訪者更多(63.5%對3.5%),但網絡賭客成為危機賭徒及病態賭徒的風險比非網絡賭客更高(為1.5倍和3.2倍)。根據DSM-IV-MR-J標準,5.7%和22.9%的網絡賭客可分別被識別為危機賭徒和病態賭徒。受訪的網絡賭客大多數(94.3%)在家中網上下注 ,91.4%在18歲前首次網上下注,60%在12歲前首次網上下注,他們大多視互聯網賭博為潮流(71.4%)和安全(54.3%)的娛樂。結果顯示,有問題的互聯網賭博與性別(男性)、(較高)年級、網上賭博頻率、投注額以及家中賭博環境顯著相關。該調查結果對賭博研究和防賭計劃有所啟示。

Reference
Wong, I. L. K., & So, E. M. T. (2014). Internet Gambling Among High School Students in Hong Kong. Journal of Gambling Studies, 30(3), 565-576. https://doi.org/10.1007/s10899-013-9413-6

究竟戒賭輔導中心日常工作係乜?

喺觀賞完首輪初賽後,聽到唔少同學仔都喺比賽中提及過香港嘅幾間戒賭中心,同埋戒賭中心所提供嘅服務。好多人都有提起戒賭中心係幫助受賭博問題困擾嘅人士,但你又知唔知係點樣幫?不如趁呢個機會,了解一下我地勗勵軒輔導中心有咩服務,同埋戒賭輔導中心嘅日常運作啦!

1. 接聽熱線

不論是有賭博問題嘅人士或佢地嘅家屬,都會打來熱線求助。接聽熱線最主要係提供即時情緒支援、提供相關資訊(有不少求助者會係電話入面問及一D資訊性問題,例如申請破產程序等等) 、同埋運用輔導技巧以加強佢地願意接受輔導嘅動機。點解打得電話來,仲要係電話上加強佢地嘅求助動機? 其實往往有一部份嘅求助者打電話上來,係因為當下受到賭博問題困擾,想有人去傾,但未必想接受戒賭心理治療。佢地可能已經覺察(aware)到自己有狀況出現,但未必有動機(motivation) 去接受戒賭心理治療。點解會未動機去接受戒賭心理治療? 原因可以有好多,下回再分解啦!

2. 提供戒賭心理輔導/治療

部份求助人士係電話入面同我地傾談過後,都會願意上來中心接受單對單的戒賭心理治療。無一套心理治療嘅方法能夠適合所有有賭博問題嘅人士。認知行為治療 (Cognitive Behavioral Therapy) 、精神動力治療 (Psychodynamic Therapy) 、家庭治療 (Family Therapy)等等都有機會成為適合求助者嘅心理治療手法。用邊一個手法往往取決於兩大因素: 提供輔導者嘅訓練背景同埋求助者嘅實際情況需要。

3. 提供支援小組 (Supporting group)

我地亦都設有不同類型嘅支援小組,以加強求助者係戒賭路上嘅支援同成效。或者有人會問,如果想戒賭,個別輔導同支援小組邊種比較好? 其實,個別單對單式的輔導 (Individual Counselling) 主要協助求助者處理個人層面議題。而支援小組就以個別特定主題為中心,我地會同參與者會係呢個特定主題上共同作出分享同討論,透過耹聽組內不同組員嘅睇法同經驗,從而有所得著。

4. 展外探訪

大家或者會覺得,要係中心等人打電話入來,好似好被動。無錯,為左主動去發掘一D服務需要者,某D戒賭中心會有展外探訪服務。就好似我地勗勵軒錦,由於係前線工作入面發現求助者絕大部份來自五大行業,所以我地都會定期針對呢五大行業進行展外探訪。至於展外探訪實際係做d乜? 五大行業又係邊五大? 下回再分解啦!

5. 大眾教育

正所謂預防勝於治療,我地亦都會去唔同嘅地方,包括學校、商業機構甚至係直接落區,推廣防賭及心理健康嘅訊息。

【2018年2月25日】靈性互勉小組7週年活動:暢遊南丫島

靈性互勉小組七週年啦!這個小組由中心與基督教香港錫安堂合辦,帶領戒賭人士及家人將信仰與日常生活結合,從而建立正面性格與價值觀,不知不覺已經來到第七年。去年六週年為大家準備了盤菜宴,出席人數眾多,反應熱烈,大家彼此分享和勉勵。今年帶大家一同暢遊南丫島,從正午出發,晚膳可自由選擇是否參加。活動將於2月25日(日)舉行,歡迎有興趣人士查詢及報名。

查詢或報名參加,歡迎致電
2703-9893 (吳sir)

【2018年2月3日】靈性互勉小組:你愛賭?愛我?愛家?

類別 靈性互勉小組   主題 你愛賭?愛我?愛家?
目的 與基督教香港錫安堂合辦,針對戒賭人士及其家人的靈性需要,將信仰與日常生活結合,協助他們探討及反思不同的生活主題,從而建立正面的性格和價值觀,重建健康正常的生活。
形式 唱歌、遊戲、比賽、觀看短片、短講、分組討論、意見交流、戶內或戶外活動等
對象 戒賭人士及其家人

日期 2月3日(星期六)
時間 7:30p.m. – 9:30p.m.
地點 基督教香港錫安堂
   九龍觀塘巧明街119-121號年運工業大廈3字樓A室
負責職員  吳文春 Matthew

查詢或報名參加,歡迎致電
2703-9893 (吳sir)

「不賭思議」辯論比賽簡介會及防賭資訊講座花絮

「不賭思議」辯論比賽簡介會及防賭資訊講座已於2018年1月21日(日)下午2時至5時假溫莎公爵社會服務大廈禮堂舉行。當日共有超過40間學校之師生出席,並邀請公眾參與防賭資訊講座及見證辯論比賽抽籤儀式。

當日大會主持人陳小海先生,亦是錫安社會服務處勗勵軒輔導中心的專業輔導員。

錫安社會服務處總幹事李焯仁博士為當日活動致辭。

鳴辯無限總幹事杜展周先生為當日活動致辭。

錫安社會服務處總幹事李焯仁博士(右)及錫安社會服務處勗勵軒輔導中心中心主任嚴浩宇先生(左)合影留念

「不賭思議」特別為今次活動製作精美防賭筆記,並加入月曆表,可作記事及記錄日程用途。

月曆表加入防賭相關插畫及附上賭博迷思,讓受眾在記錄日程同時瀏覽防賭資訊。

筆記前後附上「賭博潮語卡」,用親近學生的語言與大家解讀賭博迷思。

嘉賓接待處

錫安社會服務處勗勵軒輔導中心中心單張及「無賭工作間 營商管理好」宣傳小冊子

出席師生人數眾多

同學留心聽講

抽籤環節

 

內容準備及活動籌備

比埋貼士你賭,係咪真係有咁筍?

回應東方日報2018年1月15日探射燈專欄報導《貼士網代賭波 專呃「姊妹」會費》,內文表示專攻女性的賭波貼士網與日俱增,不少更標榜「女人當自強」、「女性經濟自主」,吸引想賺快錢嘅女士上釣。
相關報導:http://orientaldaily.on.cc/cnt/news/20180115/00176_130.html

網上有不少討論區及facebook專頁專門發放賭博心水或貼士,在收取入會費後會提供貼士予會員,甚至保證幾日可以賺幾十萬。其實網上貼士專頁大多以「成功贏錢的投注紀錄」、「多人留言表明成功賺錢」及「短時間賺大量金錢」為賣點,受害人入錢後,負責人便隨機比出貼士,被追問的話更會消失得無影無蹤。管理員是否給出每個人同樣嘅貼士?留言者佔會員嘅幾多數量?管理員會唔會兩邊都買,然後只把贏錢的一部分分享?大家不妨諗諗?定聰明嘅你已經諗到其它可疑點?網上世界資訊實在太多,有真亦有假。大家吸收網上資訊嘅同時,記住要先深入剖析和探討。動動腦,你就會發現真的假不了,假的真不了。

賽程圖及第一輪初賽賽事詳情

抽籤結果

「不賭思議」比賽賽線圖已於日前活動完成抽籤。

第一輪初賽分兩日進行:2月3日和2月4日;每間學校只須於其中一天作賽。
有關比賽日期的要求,學校請於2018年1月23日下午三時正前,以電郵形式傳送至本計劃的官方電郵:ngc@debate.com.hk。
本會會嘗試按各學校的申請調動賽期,惟不保證必然可以。

各參賽學校如有任何疑問,歡迎聯絡相應賽線的賽務人員。

賽務人員的聯絡資訊如下:
賽線A及B:徐瑋彤小姐 Iris Tsui
電話:9875 9766

賽線C及D:杜嬿雯小姐 Yinman To
電話:6645 1762

第一輪初賽賽事詳情

日期: 二月三日
地點: 馬錦明慈善基金馬陳端喜紀念中學

上午十時正 A1 聖若瑟書院
A2 天主教崇德英文書院
B3 荃灣公立何傳耀紀念中學
B4 聖公會基孝中學
C1 保良局莊啟程預科書院
C2 順德聯誼總會鄭裕彤中學
中午十二時正 A3 培僑中學
A4 聖芳濟書院
C5 瑪利諾修院學校(中學部)
C6 中華傳道會安柱中學
D3 聖類斯中學
D4 觀塘瑪利諾書院
下午二時正 A5 天主教鳴遠中學
A6 東華三院陳兆民中學
B7 馬錦明慈善基金馬陳端喜紀念中學
B8 協恩中學

日期: 二月四日
地點: 寶血會上智英文書院

上午十時正 B5 明愛粉嶺陳震夏中學
B6 保良局唐乃勤初中書院
C7 瑪利諾中學
C8 崇真書院
D7 藍田聖保祿中學
D8 九龍塘學校(中學部)
中午十二時正 B1 天主教母佑會羲蕭明中學
B2 筲箕灣官立中學
C3 香港華仁書院
C4 拔萃女書院
D1 博愛醫院陳楷紀念中學
D2 南屯門官立中學
下午二時正 A7 華英中學
A8 聖士提反女子中學
D5 沙田官立中學
D6 寶血會上智英文書院
 

除咗企硬,向賭博say no,仲可以點?

今時今日,除左企硬,向賭博say no之外,要提高年青人嘅防賭意識,仲可以點呢?

小編同一眾同事身為前線嘅戒賭輔導人員,眼見求助者似乎有年輕化趨勢,年紀輕輕已經賭到周身債,都咪話唔嚇到我地心到離一離😣。

向賭博say no之前,仲有乜可以做? 停一停,諗一諗囉。

為左可以比多啲機會比年青人就賭博呢回事多啲停一停,諗一諗,我地錫安社會服務處聯同鳴辯無限一齊向民政事務局平和基金建議舉辦「不賭思議」呢個計劃。

呢個計劃將會由講座、辯論比賽、專題座談會同分享會組成。我地希望藉住以上活動去提供一個互動交流、刺激思維及引起反思嘅平台,令年青人就賭博議題「多思多議」。比年青人可以停一停,諗一諗,從多角度去了解賭博行為對個人及他人生活的影響,協助佢地建立理性及批判思維,將有關賭博的迷思愈辯愈明,從而減少佢地日後參賭的風險。而慶幸民政事務局平和基金亦認同我地嘅理念,所以 「不賭思議」呢個計劃就出世啦。

記住密切留意呢個page,好多計劃嘅最新資訊都會係呢度睇到。仲分分鐘會有驚喜添!

西貢遠足—西灣行

今天舉行的西貢遠足—西灣行,一行十二人,由西灣亭起步,沿海岸經過大浪灣、鹹田灣、赤徑,之後上北潭凹為終點站。

天氣清爽,燦爛的陽光照耀明媚的大自然。漫步旅程,有起有落,一灣又一灣,步步向前,但大家仍然是以初心細嘗,呼吸一口清新的空氣, 遠眺無邊無際的大海 ,心就融入那大自然,眼睛凝視那明媚的風光當中。

中午大家在士多停留品嚐風味的山水豆腐花,那一一口暖暖細滑的山水豆腐花,已甜在舌尖裡…..

十二月十七日(星期日)我們將會遠足荃灣的川龍、清快塘,直達深井,有興趣的請致電 2703 9811 向黃姑娘報名。